المساعد الشخصي الرقمي

مشاهدة النسخة كاملة : لا خاب ظنك بالرفيــق الموالي


المجروح
10-10-2012, 08:09 PM
قصيدة الأميرمحمد السديري



يقول من عدا على راس عالي=رجم طويل يدهله كل قرناس
في راس مرجوم عسير النالي=تلعب به الارياح مع كل نسناس
في مهم قفر من الناس خالي=يشتاق له من حس بالقلب هوجاس
قعدت في راسه وحيد لحالي=براس الطويل ملابقه تقل حراس
متذكر في مرقبي وش غدالي=وصفقت بالكفين ياس على ياس
اخذ ت اعـد ايامها والليـالي=دنياً تقلب ماعرفنا لها اقياس
كم فرقت مابين غالي وغالي=لو شفت منهاربح ترجع للافلاس
ياما هفا به من رجال مدالي=ماكنهم ركبو على قب الافراس
ولا قلطوهن للكمين الموالي=ولا صار فوق ظهورهن قطف الانفاس
ولا رددوا صم الرمك للتوالي=كل يبي من زايد الفعل نوماس
من بينهم سمر القنا والسلالي=مثل البروق برايح ليله ادماس
يقطعك دنيا مالها اول وتالي=لوا ضحكت للغبن تقرع بالاجراس
المستريح اللي من العقل خالي=ماهو بلجات الهواجيس غطاس
ماهوب مثلي مشكلاته جلالي=ازريت اسجلهن بحبر وقرطاس
حملي ثقيل وشايله باحتمالي=واصبر على مر الليالي والاتعاس
وارسي كما ترسي روس الجبالي=ولا يشتكي ضلع عليه القدم داس
يابجاد شب النار وادن الدلالي=واحمس لنا يابجاد مايقعد الراس
ودقه بنجر ياظريف العيالي=يجذب لنا ربع على الااكوار جلاس
زله الى منه رقد كل سالي=وخله يفوح وقنن الهيل بقياس
وصبه ومده ياكريم السبالي=يبعد همومي يوم اشمه بالانفاس
فنجال يغدى ماتصور ببالي=وروابع تضرب بها اخماس واسداس
لا خاب ضني باالرفيق الموالي=مالي مشاريه على نايد الناس
لعل قصر مايجيله اظلالي=ينهد من عالي مبانيه للساس
لاصار ماهو مدهل للرجالي=وملجا لمن هو يشكي الظيم والباس
بحسناك يامنشي حقوق الخيالي=ياخالق اجناس ويامفني اجناس
تجعل مقره دارس العهد بالي=صحصاح دو دارس مابه اوناس
البوم في تالي هدامه يلالي=جزاك ياقصر الخنا وكر الادناس
متى تربع دارنا والمفالي=وتخضر فياض عقب ماهيب يباس
نشوف فيها الديد حان متوالي=مثل الرعاف بخضر مدقوق الالعاس
وينتثر على البدا سوات الزوالي=يشرق حماره شرقة الصبغ بالكاس
وتكبر دفوف معبسات الشمالي=ويبني عليهن الشحم مثل الاطعاس
بحسناك يامنشي حقوق الخيالي=ياخالق اجناس ويامفني اجناس






****



من أجمل أبيات الحسرة وخيبة الظن في الشعر الشعبي هو بيت السديري .. جميل المعنى خالد الذكر

7
7

لا خاب ظنك بالرفيــق الموالي ... مالك مشاريهـ(ن) على ( نايد ) الناس
وفي رواية أخرى
لا خاب ظنك بالرفيــق الموالي ... مالك مشاريهـ(ن) على ( باقي ) الناس

والفرق بين الروايتين لا يتجاوز مفردة واحدة في عجز البيت ..
فهناك من يجعل المفردة ( نايد ) وهناك من يجعلها ( باقي )
وبين باقي ونايد .. دعونا نبحث في المعنى والتوظيف واللفظ .. لنعرف من الأحق والأفضل أن يتبوأ رائعة السديري
ذي بدء ... يجب التعريف السياقي واللفظي لمعنى ( نايد ) و ( باقي )
نايد .. هو البعيد القاصي .. فيخرج منه القريب والأخ والعم والصديق القريب .
باقي.. هو ما عدا المذكور .. يعني الجميع دون استثناء .
الشاعر هنا يسكب بيتاً من أجمل ما قيل في الحسرة وخيبة الظن .. ولا مشاحة في أن الشاعر ينشد المبالغة في الحسرة والألم حين خاب ظنه في رفيقه الموالي والقريب إلى قلبه ، فحين نقول ( نايد الناس ) .. يقتصر المعنى على البعيد من الناس فقط .. فأنت لا تشره على البعيد حين خانك رفيقك الموالي ، وأخبروني يا سادة أين تكمن البلاغة في هذا التوظيف ، بداهة .. البعيد من قلبك ومشاعرك وصداقتك كثيراً ما يخيب ظنك فيه ، بل وفاء البعيد هو مدعاة الغرابة والعجب .
ولا يحتمل إطلاقاً أن يكون المقصود بعيد المكان فقط ، لأن الكلمة المضادة الرفيق الموالي .
لكن مع كلمة ( باقي الناس ) .. يتغير المعنى إلى الأجمل والأبلغ .. فالشاعر بعد أن خاب ظنه برفيقه الموالي بلغت به الحسرة وخيبة الظن أن زهد في الجميع وهم باقي الناس .. فلا أخ ولا أب ولا عم ولا شي آخر يمنحه العزاء ويستحق التشرّه بعد خيبة الظن في صديقه الموالي ،.. وبداهة فالصداقة كثيراً ما تكون أقوى من كل شي ، فالجميع في سلة واحد ولا عزاء بعد صديق وصاحب
زبدة الهرج
- لفظ ( نايد ) .. أجمل جرس وإيقاع في نطق البيت من لفظ باقي ... ولست أشك في ذلك
- لفظ ( باقي ) .. أبلغ معنى بكثير من نايد وأكثر تأثيراً في تقمص التأثر وما يعتلج في قلب الشاعر .
وحين أضع جمال اللفظة الواحدة في كفة .. وبلاغة البيت بكاملة في الكفة الأخرى .. أجد بلاغة البيت بكاملة تطيش في جرس اللفظة المفردة
فـ ( باقي ) أبلغ من ( نايد ) http://www.buraydh.com/forum/images/smilies/smile.gif

وهذي القصيده بصوت حبيب العازمي

http://www.youtube.com/watch?v=T5tDu2Vmq6A


منقول المجروح

يحيي جاد
03-22-2015, 06:04 PM
على راسى ها الكلمات



العاب بنات جديدة (http://www.gamzat.com/)