قصيده مختاره

[بركان نجد]

يا ضلع جعل الغيث يسقيك نوه=من مزنة غرا مطرها رهاوه

ضلع اذا زاد الدهر زاد قوه =ما جاه من طول الليالي رخاوه

ضلع اذا سقت القدم في علوه =جلست لي في مجلس له طراوه

عقب البطى شوفة فياضه وجوه=يبعد عن القلب الشقي الشقاوه

بيني وبينه خوة وأي خوه=خوة قسى ما هيب خوة فضاوه

اليا انزعجت من الزمان المشوه=لقيت في عالي نباه الهداوه

وان بار فالرفقه قليل المروه=في ثمته شفت الوفا والحفاوه

صديت به يوم الدهر زاد سوه=وعن عالمه قطع العلاقه نجاوه

ناس على الهفوات فيهم جروه=تركض لجمع المال ركض الفلاوه

نظراتهم للمال كثره وشوه =المال مقياس الغلا والعداوه

رجل بليا مال كل عدوه =وراعي الكنوز الطايله فالنباوه

والمال كم شيخ من الناس بوه =لو كان ما يسوى من القدر ماوه

والقل كم لوى مذارع فتوه =وهو من هل الردات واهل الصخاوه

يضحك على الطيب ردي الربوه =طيور شلوى بيدتها الصعاوه

من الحسد قام يحذف ويتقوه=وبيته لصلفات الهبايب مفاوه

ناس مشو على الطريق المشوه=صلى بهم من لا يعرف التلاوه

ممشى الفتى في خايم سال توه=قفر عليه من الحباري حراوه

يبعد عن الانذال ويشب ضوه=ويحط منزاله براس العلاوه

يبرد بها صدره ويرفع سموه=ويشوف للدنيا طراه وحلاوه


الشاعر : خالد بن مدعث الدوسري

[بركان نجد]

مشكور أبو نايف بيض الله وجهك

[المجروح]

اشكرك اخوي بركان نجد على المشاركه

[خديجة محسن]

يسلموووووووووووووووووووو رائع جداااا