المساعد الشخصي الرقمي

مشاهدة النسخة كاملة : تكفى اعلنها صريحه قل أبيك أو ما أبيك


بنت مطير
09-21-2011, 01:31 AM
http://sub3.rofof.com/img3/03ekyfd16.png (http://www.vb.bll6.com/showthread.php?t=7457)


تكفى اعلنها صريحه قل أبيك أو ما أبيك
الصراحة بالمحبه [عادي] ما فيها [زعل]!


أنتظر بلهفه جوابك وكل مابي يحتريك
لا [ تعلقني ] فديتك ماني قادر أحتمل


وكل عرقاً بي يحبك ..وكل مابي يشتهيك
مدري حبي لك طبيعي والاعامل لي عمل


والا وش معناها اني انجرح منك واجيك!
وليه أحبك في جنون وأنت قاتلني قتل؟؟


شفني لعيونك حضرت كل حياتي في يديك
مدري حسيت بحضوري والا كل هذا ثقل!


قلبي اللي [ ملكته ] رافضاً هذي وذيك
عمره ما فكر بثاني ولا عن غيرك سأل


رافض الفكرة [ بتاتاً ] ما يساوم مّره فيك
ما يزاحم حبه ثاني و لو ظهر غيره ألف


أن جرحته ابتسم لك ولو تبيعه يشتريك
هو جنون الحب هذا أو كذا سلوم الغزل


لعنبو دارك [ تعبت] ذبحتني الله يهديك
لا أنت راضي تبين وش أسوي لك أجل


لوتبي عيوني أعتبرهامن هاللحظة تجيك
مهما كان اللي تبيه ومهما بسبابه حصل


حط في بالك حبيبي كلي ما أغلى عليك
مهما تجرحني تاكد كلها عندي عسل


الغريبه اني اسكت لو تجي عيني بعينيك
المشاعرفي جنابك ضاعت بلحظة خجل


ماقدر ينطق لساني ماجمع حرفين بيك
وانا ياما في غيابك قلت في وصفك جمل


طال صمتك وصمتي قلت[ياويلي عليك]
في عيوني لك كلام وفي حطامي لك أمل


حتى لو طوّل برودك أنا صابرواحتريك
مستحيل احب غيرك لو يسموني خبل !!




تكفي أعلنها صريحة قل أبيك اوما أبيك
لا تعلقني فديتك .. ماني قادر أحتمل!!

الحر القطامي
09-21-2011, 10:09 AM
. . .

صح اللسان قايلها ولاهانت انامل ناقلها

مشكورـورهـ اختي

مبدعهـ وحضوركـ لهـ اشراقهـ خاصهـ بفنكـ

وسوري آختي

القصائد المنقولهـ تضع في قسم المنقول

القصائد والاشعار ( تختص بنزف الاعضاء )

لاهنتي ودمتي بهالوجود العذب

بنت مطير
09-21-2011, 12:29 PM
نورت ،، يسسسسلموـآ ع التوضيح ..

عسوـولة
09-25-2011, 09:32 AM
عوآآفي ع ***ك المميز

لاجديد مميزة كـ عادتك

لاهنتِ

بنت مطير
09-25-2011, 11:40 PM
تسلمين حبوبه ، ونورتي عيوني ..