في بعد خلي
البارحه قلبي يعاتب وريده=قلبي على فرقى خليله يملي ارقب نجوم الليل ياهي عديده=ودموع عيني فوق خدي تهلي انا اشهد انك ياغلايه فقيده=ممروج انا بعدك ولا لي مسلي عرفت قدرك يوم روحك بعيده=عرفت حبك يابعد كل من لي في غيبتك حالت علي النكيده=اقسم بربي ضايقن بي محلي من وين ماوجه دروبي سديده=طيفك يجاريني مجاراة ظلي عذال قلبي في سواتي نقيده=لكن وشلي بالعواذيل وش لي همي وغمي ليل حزنه يعيده=من كثر ماعاده ليا اقبل اهلي واجهز ادلالي وادب القصيده=عنوانها مكتوب ( في بعد خلي ) خل اختفى والنار جوفي وقيده=مدري خفاه اضروف ولا تغلي من عادته يرسل وينشد وديده=عن حالته وبكل وقتن يطلي واليوم يحسبني بحاله سعيده=مايدري إن الحال عايش بغلي ياخلي طعنات الهوا بي شديده=ياكيف ابسلى وانا مالي مسلي وهذي رساله كان تبغى الوكيده=لاتفتكر في يوم حبك يقلي وارحل وهاجر لك برحله مديده=الطير مهما طار ماهو متعلي لاحام حام اشوي وارخى لديده=بيباسة الاغصان يبغى يحلي وختامها يانبض قلبي ووريده=هذا دعائي كل ماجيت اصلي اسئل ولي الكون عالم عبيده=يجعل حياتك بالفرح لك تهلي |
روووووووووووووووعه صح لسانك
|
الحر القطامي اشكركـ على هذه القصيده الرائعه واتمنا لكـ بالمزيد |
. . . ابو سلطان...الصارم حياكم الله وبياكم اسعدني حضوركم ونثر حروفكم فلا يستغرب وفائكم دمت بهذا الوجود لاعدمناكم |
الحر القطامي حضوري هنا ليس مجاملة لشخصك الكريم ولكن للامانه فجمال القصيده هي من دعتني لكتابة هذا الرد رغم تقصيري فيه قصيده رائعه بكل مافيها من إبداع وتميز ولاهي غريبة عليك تحياتي |
سلمت سيدي
ودمت بهذا التالق والابدااع أبدا حروفك أرتسمت لوحات ابداع مخملية الحـــر... كنت بمنتهى الروعة فدمت |
. . . ابو فارس الوردهـ الخجولهـ انورتوني وشرفتووني لاعدمناكم يالغالين |
يا سلام سلم من أفضل إلى أفضل يا صديقي |
. . .
هلا بشاعر المحاورهـ والله ودي اكسر راسكـ بالمحاوره مادوك ترجع هههههه تسلم يالغالي والاروع وجودكـ وتحفة ردودكـ |
لآإهنت يَ الغلآإ .... قصيدة جزله رآقت لي ، والله يعينكـ ع فرآإق خلك ..:a14:
|
الساعة الآن 05:34 PM بتوقيت مسقط |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By
Almuhajir
HêĽм √ 3.1 BY: ! ωαнαм ! © 2010
استضافه تعاون