#1
|
||||||||||
|
||||||||||
ارجال وارجال
عفت الزمان الي له اللوان واشكال=وعافووه من قبلي رجالً بواتيع [/poem]استعرض التاريخ لجيال واجيال=جيلً رقى القمة وجيلً مخاثيع والوقت هو الوقت ورجال ورجال=وكلً على وقته يحط التواقيع والمجد فالتاريخ من صنع الابطال=الي ينالونه ببعد المراميع الجزل مطلبهم وهم قومً جزال=للباقيه والفانيه ذبو الريع والي تبنا الهرج من دون الافعال=لابانيً مجده ولابه مانافيع ما حيلته ياكود ترديد الاطلال =كنا وكنا محتمين المرابيع والي كسرنا فوق عشرين خيال=من عقب ما غارو عليها مراتيع واجددنا سادو من الجال للجال=ياكم وكم قومً لربعي متابيع هذا خلصنا منه ياطيب الفال=جيلك وش الي يذكره من مشاريع قال الوكاد انا على كل الاحوال =كشخه ولا نقبل على الثوب تبقيع وفي وقتنا سيطر على القدس الانذال=وحنا بذلنا الجهد كوره وتشجيع والنادي الي مابه رجال واموال=خطرً على مثله مثل غيره يضيع وليلة غزو بغداد والحق ينقال=وحنا على الساحل نشب الطراطيع اوقاتنا مابين سهره وموال=والا نهجول فالشوارع مفاريع ويوم المجوس بدارنا صار يختال=يصبح بريع وتالي الليل في ريع صارو شباب المملكه نصروهلال=وكلً يجهز للملاقا فواريع هذي البطوله ماتجي كود بعيال=ومن فرط بناديه لسواه بيبيع ماهمنا من قال لوقال ما قال=كلً على وقته يحط التواقيع خلاصة الموضوع هذا هو الحال=جيلً رقى القمة وجيلً مخاثيع ابن شداد : |
03-31-2016, 01:27 PM | المشاركة رقم: 2 | ||||||||||||||||||||||||||||||||||||||
|
كاتب الموضوع :
ابن شداد
المنتدى :
ديوان الشاعر / ابراهيم بن شداد الصقري
رد: ارجال وارجال
بالتوفيق الدايم |
||||||||||||||||||||||||||||||||||||||
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|