المساعد الشخصي الرقمي

مشاهدة النسخة كاملة : قصيدة منقوله للشاعر ( حمود بن منديل )


بركان نجد
12-22-2010, 10:25 AM
بدينا بذكر اللي خلـق جنـة الفـردوس= خلقهـا وبيـن فـي كتابـه مراتبـهـا
قريب مجيب يعلـم السـر والهاجـوس=ومن حكمته سير الفلـك مـع كواكبهـا
الله خلق كل البشـر رئيـس ومريـوس= خلقهـا وفـي يـوم القيامـة يحاسبهـا
سلامي على أهل الدين كسابة النامـوس= سلامـي عليهـم عـد ذاري هبايبـهـا
على منهج التوحيد نأخـذ عبـر ودروس= دعـاة العقيـدة ماتقـصـر بواجبـهـا
سلامي على اللي لحيته مايجيها المـوس= ولاشجـع الكـورة وصفـق للاعبـهـا
على سنة المعصـوم ماطـول الملبـوس= عفيـف جنابـه والمعاصـي مجنبـهـا
يقرأ الكتاب ولايدانـي أهـل المنكـوس= كمل بالصفـات الطيبـة مـن جوانبهـا
فعله رفع رأسه مـع رأفعيـن الـروس= تقدم على كسـب المعالـي وفـاز بهـا
ترى راعي الطاعات عاداتـه النامـوس= على طاعـة المعبـود نفسـه مدربهـا
أنا أشوف بعض الناس في سيرته دنفوس= حريمه مع السـواق دايـم يـدوج بهـا
يشري لها الموتـر وسواقهـا الهنـدوس= ولايشنـده لاراح متـى يعـود بـهـا
وفي منزلـه خدامـة تعبـد الجامـوس= تربي وراعينـه علـى خبـث مذهبهـا
وفي البيت تلفاز عليه الجميـع جلـوس=على شاشتـه كـل المعاصـي يجيكبهـا
والنوع الآخر في المكاسب ضعاف نفوس=مشوا في الربـاء ماحسبـوا مصايبهـا
شباب على درب الردى يدفعون فلـوس= شرى غرشة الويسكي علشـان يشربهـا
ولابغى يسهـر كـل الحبـة أم القـوس= أحبـوب خطيـرة والمراجـل تخربهـا
عيال الحمايل جوا عقب الحبوب تيـوس=وكم واحدا باع الشـرف مـن سبايبهـا
خذ العز من رأسه برجله يدوسـه دوس= جميـع المصائـب مايحسـب عواقبهـا
علامة شربه للزقايـر سـواد ضـروس=علـى فرتـه حـط النجاسـة وجاكبها
وصلاة ربي عـد ماذعـذع النسنـوس=على المصطفى المختار عابر سحايبهـا

عيون طفله
01-04-2011, 07:00 PM
صح لسان شاعرها وتسلم يمين ناقلها
قصيده رائعه
بروعة حضورك’ وإنتقاءك
دمت بشذى العطر
المميز الذي يرافقك
لقلبك كل السعاده.،