طرقٍ طويل

[ابن شداد]

عبر الرسائل ياعلي دزيت لك طرقٍ طويل=غنيت به في ساعةٍ فيها الاوادم هاجعه
ليله تشوف بها القمر في طلعته ماله مثيل=ونجومها غارت حيا من عقب ماهي طالعه
ونسانسٍ هبة بعد مضى من الليل القليل=وخالط نسانيسه هواء من بالملاقا طامعه
غنيت ماهو من طرب ولا مسامر للخليل=ابي اجلي لي همومٍ في حشايه راتعه
زد قالوا إن الونّه تهون على القلب العليل=ولقيت جر الصوت للمعلول وصفه ناجعه
ولي همومٍ داخلي في وصفها مثل الدخيل=إستامنت نفسه ولاهي للمهالك راجعه
كنت احسبٍ فوت الزمن بمعالج همومي كفيل=واثر الزمن خل همومي من بطاها ناقعه
وكنت احسبٍ ضحك الخوي بلقاء به لهمي بديل=وأثره معي يضحك ونفسه من همومي جايعه
وكنت احسبٍ سج القدم مع الخلاء يقوى يزيل=همومي الي اصبحت لها الجوارح طايعه


ابن شداد



ابن شداد


.