المساعد الشخصي الرقمي

مشاهدة النسخة كاملة : عزف الاوتار


الحر القطامي
11-25-2011, 04:20 AM
كيفكم يالغالين ان شاءالله بحسن حال
نود ان نترككم مع هذه الابيات
وهي موجهه لصديق لي ..ماعليه قاصر ..لكن شفت منه بعض التقصير
في ايامنا الاخيره وهاضت القريحه بهذه الابيات من باب النصح
ونتمنى ان تنال اعجابكم

امسـن مـع الهوجـاس يامـا طرالـي=مشـاكـل الدنـيـا وقسمـيـن الاخـيـار
واخـذت اردد ماطرالـي فـي بـالـي=ونظمتها وابدعتها ضمـن الاشعـار
مرسـى رواسيـهـا رســاة الجبـالـي=وفيها نغم تعزف بها عزف الاوتار
عزفتـهـا والقـلـب مـاهـوب خـالــي=من جور هالدنيا ونكبـات الاشـرار
مرخص رخصنا بعد ماكان غالـي=وغالي فرض فينا غلاتـه بالاجبـار
ياصـاحـب الوقـفـات خـلـك قـبـالـي=لاتبتعـد تكـفـى تــرى دمــي انـهـار
اسمـع وصـايـا صاحـبـك فالتـوالـي=لك الوصايا طيرها اليوم لـك طـار
رفـرف جناحـه لـيـن رام المعـالـي=ورجـم المعالـي مايجيـهـا بمعـسـار
هـذي عوايـد طيـري لاهــب بـالـي=باصم عليها وتـارك البصـم تذكـار
حافظ علـى اللـي فيـه ربـك يسالـي=عمود دينك لو يصير اللي ماصـار
واوف ابوعودك لاعطيـت المقالـي=مـن لا وفـى بوعـده يسمـوه غــدار
واحشـم خـويـك لافهـقـوه الهـزالـي=لاتلطـم تـرى الخـوي موقفـه حــار
افـــده بـراســك يابـعـيـد الـمـدالــي=خابرك حـر اليـا جزلنـا فالاحـرار
لاتبتلـي بالـبـوم لــو جــاء مجـالـي=خلـك عقيـد وقـايـدن كــل الامـهـار
وخـل النظـر لالــد .. لــدة معـالـي=منهو تدنى مات ولاشـاف الازهـار
زهــر المـراجـل لاسقـتـه الفعـالـي=يبقى شذاهـا ليـن قصـاف الاعمـار
القـول مايحسـب فـي كـل الرجالـي=فعلك هو إثباتك ليـا جـات الاخبـار
واوجـب ضيوفـك ياكريـم السبـالـي=لاترتخي بواجبـك وتبـدي الاعـذار
ولا تنبهر مـن كـل شخصـن يلالـي=ماكـل مـن لا لا يمـاري بالاشـعـار
ولاتنحمـس فـي كــل قـافـن يبـالـي=بعض البشـر تكتـب ولافيـه معيـار
ولاتنخدع فـي قـول خلـت الخيالـي=يـم المراجـل خلتهـا لـك بالامـطـار
لاتـقـتـنــع الا بـفــعــل الـجــزالــي=مايثبت افعال الرجل غير الابصار
ولاتـامـن الدنـيـا بخـضـر المفـالـي=ولاتامـن احـدن لـو بعـزن ومقـدار
هـذا الزمـن لويطعمـك كــل حـالـي=لابـد يسفـط ياولـد عــذب الامــرار
وش تنـفـع الـدنـيـا بقـيـلـن وقـالــي=رم لـك ميامـن مدهـا مــد الاخـيـار
وسلامتكم
نواف العنزي

بنت مطير
11-28-2011, 11:06 AM
لآتنبهر من كل شخصن يلآلي

مآكل من لآلآ يمآري بآلأشعآإر ...

قصيدة جزله من شآعر جزل لآهنت وبيض الله وجهك ع هـ القصيدة ..

المجروح
12-01-2011, 05:16 PM
اشكركـ ي الحر القطامي على هذه القصيده والله يبارك في رفيقكـ الذي شفناكـ
من فتره طويله وانت منقطع عنا عسي الانقطاع خير وصحه وعافيه

الحر القطامي
12-03-2011, 02:39 AM
. . .

حياكـ يابنت مطير

ووجهكـ ابيض

حضورك شرفنا وردك متعنا

لاخلاء ولاعدم

الحر القطامي
12-03-2011, 02:40 AM
. . .


هلابكـ يالمجروح

وصح بدنكـ يالغالي

والله يباركـ بالجميع وكل غايب حجته معه ولكن خير ولله الحمد

اطلاله مشرقه فديتكـ

لاعدمناكـ

اللورد
12-05-2011, 12:59 AM
بصراحه قصيده من العيااار الثقيل

وصح لسانك .. ان شاء الله بعد هالقصيده ماراح يجي منه قصور ... ولا تهيض القريحه

الحر القطامي
12-05-2011, 09:22 AM
. . .

الثقيل والله خابرهـ لبى من غزاكـ بهـ هههههههههه

لاتفهموني خطأ اللورد يفهم > للتوضيح لـ اللورد >يعني لو انا مدرس مثلاً هههه عرفته

حياكـ الله وبياكـ محلا حضوركـ ومحلاكـ