شيخنا

[المجروح]

شيخنا




بيض الله وجه شيخ ليا شان الزمان=ارتكا متنه فدا متنه المتن الردي
شيخنا اللي قومته من مكان. آليا مكان=مالها في قومة الطيب ند ولا لدي
شيخنا اللي كم بشته لنا فيه وامان=ليا حدانا سو بقعا على بقعا حدي
شيخنا هداج تيما ولد مرخ العنان=يوم في نجد الاصايل لها باع مدي
شيخنا فيحان ذخر الحصان بن ألحصان=تركي اللي جعل دايم ثرى قبره ندي
شيخنا اللي يوم ضاعت مفاهيم الرهان=ومن بريده للنعيريه إبليس ايعدي
قومته قضت لها شان عن سبعين شان=وقدرو جاهه هل الجاه والرأي القدي
ولا تغالا دفع الأموال يوم الوقت حان=طيب راسه طوع الصعب والصعب ايهدي
شاربه يكرم ويمناه شانيها مهان=ولحيته تكرم عن العلم الاقشر والردي
ماتسيد فا الجماعه وخلاهم ضمان=في لزومه ون بغو لازم فيه ايغدي
يابشوت آخر زمن وش حصل بآخر زمان=في بلاد لا بلادك ولا هيب ابلدي
قد شرح عنها العطاوي بديوانه بيان=ومن فهم يفهم ومن لافهم يذبح فدي



غلاب الثبيتي.





.