المساعد الشخصي الرقمي

مشاهدة النسخة كاملة : شد المطايهـ


الحر القطامي
12-24-2011, 02:15 PM
. . .

السلام عليكم ورحمة الله وبركاتهـ

يالله حييهم وآبقهم. . وآرسلهم وآحد يطقهم

نتمنى ان تحوز على رضاكم وتكسب اعجابكم




عثيـت فــي دنـيـاي دون العنـايـه=شيطان فكـري غرنـي بالصفاتـي
امجـمّـل المشـبـوه عـنــد الـبـدايـه=ومـشـبّـه المـجـمـول بالمعـقـلاتـي
مثـل السفيـه امشـي ولالـي ولايـه=امـشـي بسـريـه ولـحـدن يـحـاتـي
هــذا صديـقـن لــي وذولا عـدايـه=والكـل منـهـم مــادرى بمنتجـاتـي
من شافنـي منـى وهنـى اصدقايـه=بطيبـة الاخـلاق وحـلـو السمـاتـي
مايدري ان الجرح عانـق حشايـه=تمسي عيون الخلق ولالـي مباتـي
فــي ليلـتـن ونيتـهـا مـــن بـلايــه=ونيتـهـا وابديتـهـا فـــي صـلاتــي
حاسبـت وشهـو بقـى وش معـايـه=لقيت شوكي من حصد مـع نباتـي
نسيـت احـسّـب ماطـلـع بالنهـايـه=اثــر الغنيـمـه عــودت للشـمـاتـي
ماكنت اصدق مامضى من سوايه=جاهل ولالي بالجهـل مـن نجاتـي
بعت الثمين ابسـوق عـم الرخايـه=وابديـت سومـي مابـديـت لغنـاتـي
دنيـا عظيـمـه افصـخـت بالعبـايـه=عادت رحاها وانطوت في حياتي
همي بيومـي لجـل اعيـش الهنايـه=مثـل البقـيـه عايـشـه فــي هنـاتـي
قالـو لـي يانـواف شفـت الرجايـه=تبقى علـى طـول الدهـر بالدناتـي
قلـت البـلا لاطـاح شــد المطـايـه=وشلـون نحمـل حملـنـا بالجفـاتـي
لـكـن طـفّـو مانّـوقـد فــي حشـايـه=لا لا تزيـدو شعلتـن فــي حيـاتـي
والله يسامحـنـي و يغـفـر خطـايـه=ذنبـي كبيـر و مكّـبـرك ياسـواتـي
ادعـو لي..ادعـو للخلايـق هدايـه=وحسن الختـام إليـا لفانـا المماتـي
غير الدعاء لا لي منى ولارجايه=همي بقلبـي طبـه صـدق الدعاتـي

وسلامتكم

آخوكم / نـوآف الـعـنـزي

بنت مطير
12-24-2011, 02:24 PM
الله الله قصيده جزله يَ نوآف ولآهوو غريب عليك يَ ذيبآن بيض الله وجهك وطول الله بعمرك ...

الحر القطامي
12-24-2011, 02:38 PM
. . .

ووجه من قال ياطيبة الفال

وحياكـ حياكـ والجزالهـ بملفاكـ

انرتي بحضوركـ

ادخل على الله
12-24-2011, 03:58 PM
الحر القطامي

صح لسانك وعلى شانك

وعادتك مايبطي جديدك ومع ذالك ننتضره بشوق

(مداخلة)
الكل يخطي والخطا طبع الانسان _ والله غفور ورحمة الله وسيعة

الحر القطامي
12-24-2011, 04:12 PM
. . .

مرحبا ومسهلا يالله حيه وحي حروفهـ

وصح بدنكـ والطيب ساسكـ ومعدنكـ

ونعم بالله

وبيض الله وجهكـ على المداخلهـ

لاعدمناكـ

رفيع الشان
12-31-2011, 12:29 AM
صح لســــااانكـ

وعلا شــاااانكـ

أبيات جزله ولافيها قصـــووور

لاعدمنا جديدكـ يالحر

تقبل مروري والله يعافيك


تحياتي ..

بركان نجد
01-01-2012, 09:39 PM
كفو يالذيب

الحر القطامي
01-02-2012, 10:24 PM
. . .

مرحبابكـ يارفيع الشان

حي هالوجود واختصار الردود

منور بهالطلهـ لاعدمنا برقها

كن بالقرب واقرا جديد القلب

يابعد راسي انت

الحر القطامي
01-02-2012, 10:25 PM
. . .

كفوكـ الطيب يابركان

حياكـ الله وماقصرت

الصارم
02-28-2012, 03:00 PM
صح الساانكـ يالحر القطامي على القصيده الجزله
ذيب ولد ذيب

تحياتي . الصارم