المساعد الشخصي الرقمي

مشاهدة النسخة كاملة : مشآعر مبعثرهـ وآحاسيس مترجمهـ


الحر القطامي
05-15-2012, 02:14 PM
. . .
السلام عليكم ورحمة الله وبركاتهـ

آعزائي الكرام

هـ آنا آضع امامكم مدونتي الخاصهـ

وتتكلم بدايتاً عن تعريفي بنفسي

وهواياتي وطبيعتي بلا تصنع

ومن ثم عن جميع ماينزفهـ آحساسي

وآنوهـ بـ آن جميع مايسطرح هنا من قصائد

( فهو بنزف قلمي )

سوا كان مدح او رجولهـ او غزل او عتب او شوق

دمتم

الحر القطامي
05-15-2012, 02:57 PM
. . .

الاسم / نـوآف العنزي :1-72e174f84d:

اللقب / الحر القطامي :41:

العمر / 25 > العمر كلهـ يارب :b16:

الهوايات / الشعر قرائهـ وكتابهـ :1-cc1222a07b:

الحالهـ الاجتماعيهـ / آعزب

العنوان / المجمعهـ

المهنهـ / عاطل

المؤهلات / دبلوم التقنيهـ الاداريهـ ..حاسب ( الرخصه الدوليه ) :50ar:

مزاجي.كثير الصمت.متعصب في الامور التي لاتعجبني او لاتبين الحق

كثير الجديهـ قليييل المجاملات..الحنيهـ لدي تغلب القسوهـ دائماً :oo25:

وآكتفي بهذا . ونوفيكم بالقصائد

لعل وعسى ان تنيل آعجابكم وترتقي لذائقتكم

الحر القطامي
05-16-2012, 12:45 PM
. . .
1
( يانقيد الحال )

يـانـقـيــد الــحـــال حــالـــي ارتـــــوا=مــن كــلام ٍ ماعطـيـتـه اهـتـمـام
لاتــلـــوم الــلـــي تــولـــع بـالــهــوا=ماعلـى حـال الهـواوي اي مـلام
جمـر المحبـه فـي ضميـره اللتـوا=حـارقــه شــوقــه ولايــقــدر يــنــام
قلتـهـا والقـلـب فــي حـبــه ضـــوا=اللتزام الصمت خيـر مـن الكـلام
مايفـيـد الـقـول دامــه بقلـبـه نــوا=المـصـده دون عــذر ٍ او ســـلام
ويـشـهـد الله كـــم تجمـعـنـا ســـوا=بـالــتــودد والـتـعــاطــف والـــغـــرام
والـكـلام يـطــول وقـلـبـي مـارتــوا=من كلام ٍ وسط صدري كالغمام
واعتـرف حبـه عـلـى قلـبـي طــوا=ياغرامي قلبـي ماهـو لـك يشـام
بـس يـرَدّد قـول فــي ذهـنـي..دوا=الـكـرامـه هـايـمـه بــحــب الــكــرام


بقلمي / نواف الصقري

الحر القطامي
05-16-2012, 12:49 PM
. . .

2

( قريب الهقاوي )



كنت احسب انـك وافيّـن فالمحبّـه=غرتنـي الطيبـه وكثـر الشـكـاوي
لاماهقيـت إن الجفـا مـنـك صـبّـه=ولاماهقيـت إنـك قريـب الهـقـاوي
اول معـي فــي كــل وقـتـن تهـبّـه=والنظـره النظـره تسـر الشـقـاوي
والشـوق نـاره كـل ساعـه تشـبّـه=ماتنطفـي نـاره .. زنـاد الهـواوي
واليـوم اشوفـك بالوصـل ماتحـبّـه=صدقت ب.اوهامك ولنتّه امـداوي
صدقتها..والـقـول عـنــدي تـكـبّـه=وش دنيتك دام العقل فيـك غـاوي
اتـصـدق الاقــوال واثــرك مهـبّـه=مع ريحها تمشي سريع الخطاوي
خـلاص ابرحل..بالوصـل باتنبّـه=ذيـب الغـدر مايامنـه كـل شــاوي
وختامـهـا مـاقـول فـيــك المـسـبّـه=اقول أحبـك ( ياقريـب الهقـاوي )


بقلمي / نواف الصقري

الحر القطامي
05-16-2012, 12:54 PM
. . .

3

( منهج الطيب )



يقدح قصيـدي والقوافـي لواهيـب=طبـخـة معـانـي كـلـهـا شـاعـريـه
صبيتـهـا وارسلـتـهـا بالمكـاتـيـب=صوبك يابو مشعـل ولاهـي وفيـه
رستني افكـاري بحـق المواجيـب=وافكار في شـرواه يارجـال حيـه
رجّال مابه لا ردى ولا عذاريـب=وعـزوم مرجلتـه عزومـن قـويـه
ذكره ليامـن شـاع بيـن الاجانيـب=مواقـفـه بالطـيـب مـاهـي خـفـيـه
وكلي فخر بأنـي بناخيـه وقريـب=عمـي ونـادر تلقـى بالنـاس زيــه
الطيب له منهج وهو منهج الطيب=ياحـر يطمـع فـي صعـود العلـيـه
والحر منزالـه بـروس المراقيـب=ولـو ضامتـه دنيـاه مـاجـا الدنـيـه
اقولهـا واقـوالـي ماعابـهـا عـيـب=وجـه السـعـد سـعـد نــادر حلـيـه
وختامهـا مابـي معـون ومطاليـب=مـاجـاه منـي..هـذا مـاطـاب لـيــه


بقلمي / نواف الصقري

الحر القطامي
05-16-2012, 12:58 PM
. . .

4

( في بعد خلي )


البـارحـه قلـبـي يعـاتـب وريــده=قلبـي علـى فرقـى خليلـه يمـلـي
ارقب نجـوم الليـل ياهـي عديـده=ودموع عينـي فـوق خـدي تهلـي
انـا اشـهـد انــك ياغـلايـه فقـيـده=ممروج انا بعدك ولا لـي مسلـي
عرفت قدرك يوم روحـك بعيـده=عرفت حبـك يابعـد كـل مـن لـي
فـي غيبتـك حالـت علـي النكيـده=اقسـم بربـي ضايقـن بـي محلـي
من ويـن ماوجـه دروبـي سديـده=طيفـك يجارينـي مـجـاراة ظـلـي
عـذال قلبـي فـي سـواتـي نقـيـده=لكـن وشلـي بالعواذيـل وش لـي
همـي وغمـي ليـل حزنـه يعـيـده=من كثـر ماعـاده ليـا اقبـل اهلـي
واجهـز ادلالـي وادب القصـيـده=عنوانها مكتوب ( في بعد خلي )
خل اختفى والنار جوفـي وقيـده=مدري خفاه اضـروف ولا تغلـي
مـن عادتـه يرسـل وينشـد وديـده=عـن حالتـه وبكـل وقـتـن يطـلـي
واليـوم يحسبنـي بحـالـه سعـيـده=مايـدري إن الحـال عايـش بغلـي
ياخلي طعنات الهـوا بـي شديـده=ياكيف ابسلى وانـا مالـي مسلـي
وهذي رساله كان تبغـى الوكيـده=لاتفتكـر فــي يــوم حـبـك يقـلـي
وارحل وهاجر لك برحله مديده=الطيـر مهمـا طـار ماهـو متعلـي
لاحام حام اشوي وارخـى لديـده=بيباسـة الاغصـان يبـغـى يحـلـي
وختامهـا يانبـض قلبـي ووريــده=هذا دعائـي كـل ماجيـت اصلـي
اسئـل ولـي الكـون عالـم عبـيـده=يجعل حياتـك بالفـرح لـك تهلـي


بقلمي / نواف الصقري

الحر القطامي
05-16-2012, 01:02 PM
. . .

5

( عزف الاوتار )



امسـن مـع الهوجـاس يامـا طرالـي=مشـاكـل الدنـيـا وقسمـيـن الاخـيـار
واخـذت اردد ماطرالـي فـي بـالـي=ونظمتها وابدعتها ضمـن الاشعـار
مرسـى رواسيـهـا رســاة الجبـالـي=وفيها نغم تعزف بها عزف الاوتار
عزفتـهـا والقـلـب مـاهـوب خـالــي=من جور هالدنيا ونكبـات الاشـرار
مرخص رخصنا بعد ماكان غالـي=وغالي فرض فينا غلاتـه بالاجبـار
ياصـاحـب الوقـفـات خـلـك قـبـالـي=لاتبتعـد تكـفـى تــرى دمــي انـهـار
اسمـع وصـايـا صاحـبـك فالتـوالـي=لك الوصايا طيرها اليوم لـك طـار
رفـرف جناحـه لـيـن رام المعـالـي=ورجـم المعالـي مايجيـهـا بمعـسـار
هـذي عوايـد طيـري لاهــب بـالـي=باصم عليها وتـارك البصـم تذكـار
حافظ علـى اللـي فيـه ربـك يسالـي=عمود دينك لو يصير اللي ماصـار
واوف ابوعودك لاعطيـت المقالـي=مـن لا وفـى بوعـده يسمـوه غــدار
واحشـم خـويـك لافهـقـوه الهـزالـي=لاتلطـم تـرى الخـوي موقفـه حــار
افـــده بـراســك يابـعـيـد الـمـدالــي=خابرك حـر اليـا جزلنـا فالاحـرار
لاتبتلـي بالـبـوم لــو جــاء مجـالـي=خلـك عقيـد وقـايـدن كــل الامـهـار
وخـل النظـر لالــد .. لــدة معـالـي=منهو تدنى مات ولاشـاف الازهـار
زهــر المـراجـل لاسقـتـه الفعـالـي=يبقى شذاهـا ليـن قصـاف الاعمـار
القـول مايحسـب فـي كـل الرجالـي=فعلك هو إثباتك ليـا جـات الاخبـار
واوجـب ضيوفـك ياكريـم السبـالـي=لاترتخي بواجبـك وتبـدي الاعـذار
ولا تنبهر مـن كـل شخصـن يلالـي=ماكـل مـن لا لا يمـاري بالاشـعـار
ولاتنحمـس فـي كــل قـافـن يبـالـي=بعض البشـر تكتـب ولافيـه معيـار
ولاتنخدع فـي قـول خلـت الخيالـي=يـم المراجـل خلتهـا لـك بالامـطـار
لاتـقـتـنــع الا بـفــعــل الـجــزالــي=مايثبت افعال الرجل غير الابصار
ولاتـامـن الدنـيـا بخـضـر المفـالـي=ولاتامـن احـدن لـو بعـزن ومقـدار
هـذا الزمـن لويطعمـك كــل حـالـي=لابـد يسفـط ياولـد عــذب الامــرار
وش تنـفـع الـدنـيـا بقـيـلـن وقـالــي=رم لـك ميامـن مدهـا مــد الاخـيـار


بقلمي / نواف الصقري

الحر القطامي
05-16-2012, 01:06 PM
. . .

6

( يامنوتي )



اخذ الوعد مني علـى مـر الايـام=إنـي معـك وافـي وببقـى اللـمـك
بجور هالدنيا خويّـك لـك احـزام=ياقف لجل عينك ليا هاض دمـك
ماتبتغي نفسك ترى الحظ لك قام=يسفط مناك انتـي وينـزاح غمـك
يامنوتي همي رويسك لجى ينـام=ابغيـه مرتـاح ابـوسـاده تضـمـك
لاواهنـي اللـي مـعـك دوم قــدام=يرتـاح مادامـه بعـطـرك يشـمـك
انتي دوى قلبن على الضيم دوام=يكفيـه لـو يسمـع هلابـك بفـمّـك



بقلمي / نواف الصقري

الحر القطامي
05-16-2012, 01:12 PM
. . .

7

( حب الندامه )



ابشر بعزك لو تبـي عمـري افـداك=وش عــاد تبغـانـي أبـيّـح كنـيـنـي
والله لوتعـرف خوافـي مـن اغـلاك=تصبـح دموعـك دم لـجـل الدفيـنـي
الـلـي دفنـتـه لونهضـتـه لتـقـسـاك=دنيـا عطتـك الزيـن فـي كـل حينـي
حب الندامه سالكن درب الاشـواك=دربـه عـويـق وزايد(ن)بالونيـنـي
لـكـن مـابـي دنيـتـك هــم يـصـلاك=المـعـذره يـانـور دربــي وعـيـنـي
خلي الخوافي ياغلاتـي انـا ارجـاك=لاتبحثي عن خافـي قلب(ن)طعينـي
وابنثر اللي عندي من شان يزهاك=اللـي تـراكـم داخـلـي مــو بيديـنـي
كـل الشجـون اللـي بجوفـي تمنـاك=تنـهـي مـواجـع خافق(ن)ماتبيـنـي
ياغاليه هاتي شجونك مـن اقصـاك=وهاتي حنانك واخذي منـي حنينـي
ماشفـت منهـو فـي حياتـي تـعـداك=يبغـى هنـاي وكـل سـاعـه يجيـنـي


بقلمي / نواف الصقري

الحر القطامي
05-16-2012, 01:16 PM
. . .

8

( لاتامن الدنيا )



لاجيـت اسلـي خـاطـري بالمـواويـل=اللقـى غـلا الغالـي يبـاري شـعـوري
ارمـي خفـا بيـت ٍ وبيـت ٍ لــه امـيـل=اخــذ شــذا زهــره بـيـن الـزهـوري
مانيـب قاصـد فـي قصيـدي معاويـل=ولانـيـب راجــي علـتـن فالنـحـوري
الـلـي صـفـا قسـمـه ولافـيــه تقـلـيـل=لابـــد يـواجــه باللـيـالـي قـصــوري
من لاتعـب بالأمـس بكـره لـه الكيـل=كيلن ضغين(ن) يحملـه فيـه جُـوري
لاتامـن الدنيـا ولــو جــاك تحصـيـل=تسلـم وتسلـم مـن تعبهـا الضـروري
ابهالزمـن يـاخـوك شـفـت الغرابـيـل=ماشفت من حظ(ن) يداعب سروري
وعمر الفتى فانـي ولـو طالـه الطيـل=الـدايـمـه قـبــرن وحـولــه قــبــوري
يالله عسانـا مـن هــل الـفـوز لاقـيـل=راحو في دار(ن) للخلايـق جبـوري



بقلمي / نواف الصقري

الحر القطامي
05-16-2012, 01:22 PM
. . .

9

( ياللي تلوم الحال )



ياهاجسـي انهـض ولا لا تعوقـي=عندي جمـل محتـاج اعمـد وتدهـا
اللي يسوق الحرف لابد ايسوقـي=بنضّجة افكاره حـروف ابعمدهـا
الشـعـر مايمـشـي بلـيـا طـروقـي=والـعـزوه ماتفـلـح بـلـيـا سـنـدهـا
كمـل جميلـك خـل عنـك اللفوقـي=ابدع وانا بكتـب واحسـب عددهـا
اللـي مضـى هاتـه وخلـه يفوقـي=يفـوق مـن عـلـه تـرخـى عهـدهـا
كـم دمعـة ٍ توقـفـت عـنـد مـوقـي=من حرهـا ذابـت عيونـي ولددهـا
وكـم غربتـن تغربـت بالشـروقـي=تغـرب وغربتهـا طويـل ٍ مـددهـا
عذب الرسايل ماتـداوي حروقـي=مشعـوم صـدري والعـدو ينتقدهـا
الصدر واسع..من سببها يضوقي=ضيق الصدر يمني بلمـة جسدهـا
وياللي تلوم الحال بهزل النطوقي=وش مطلبـك والحـر دمـه فردهـا
خـل النقـايـد دام قلـبـي عشـوقـي=يعشق شذاها من عبايـر حصدهـا
دامـت محبتـنـا بـشـوق ٍ شفـوقـي=ابـعـد وتاتلـقـى بـنــارك رمـدهــا
الحـب يسـري سريتـه بالعروقـي=والحس يحسبها ولو هي بصددها
وياما حـلا ضمـة وليفـي بشوقـي=تنسيـك هالدنـيـا بشقـاهـا ونكـدهـا
عـز الله انـي مـن عناهـا بَـروقـي=كلـمـه ونسقيـهـا بـوافـي وعـدهـا


بقلمي / نواف الصقري

الحر القطامي
05-16-2012, 01:26 PM
. . .

10

( ذيب الغدر )




لاتقـول انـك معـي تبقـى شريـك=خاطري مـن كذبـك انتـي ارتـوا
تدري اني ميت(ن) بك واحتريك=بــس قلـبـك بالمـصـده لــي نــوا
دون خلـق الله ياخـلـي مشتـريـك=حل حبك فـي ضميـري واحتـوا
( ياغـلاي القـلـب والله مهتـويـك=لو تطـول ابنـا الطويلـه ماعـوا )
(عوي ذيب الغدر ماله من لبيـك=لو عـوا باجيـب انـا مالـك لـوا )
امنـي يومـي فـي مقابيلـه علـيـك=ويش اسوي دامك اللجرحي دوا
اجمل الاوقات فينـي يـوم اجيـك=واجمـل اللحـظـات يومـنـا ســوا
كم برا من جرح في ضمة يديـك=وكم سلا من رمح فالصدر اللتوا
تهمسي بصوتك انا بامـوت فيـك=واهمس ابصوتي محبـك انضـوا
عـاد فينـا الوقـت وحنـا نحتزيـك=بـس ضنـي وقتـكـم بــي انـشـوا
( حالـة الدنيـا عـنـا لــو تهتنـيـك=الله يامجمـلـك يـاوقـت انـطــوا )


بقلمي / نواف الصقري

الحر القطامي
05-16-2012, 01:36 PM
. . .

11

( اسهوم الغلا )



لاحلـت اسهـوم الـغـلا بالتـوجـاد=يبقـى اثرهـا بيـن كـل المجالـيـس
ياللـي تعـد النجـم مالـك بـالارقـاد=خـل المبـات وعانقوهـا بحاسيـس
كـل القلـوب العاشقـه فيهـا وقــاد=لاقبل عليها الليل جات الهواجيس
تبني وتمنـي مامضـى ليـت ينعـاد=وحبر القلم شكت عليه القراطيس
عامـيـن عشـنـا مارسيـنـا بميـعـاد=عامين صرنا مـن عناهـا معابيـس
ارسـل طيـور الحـب لاحـل نكـاد=من ضمنها زاجل يحب النواميس
يم الغزال اللـي لهـا قلبـي انصـاد=والشاهد الله صابني رمح بالقيـس
فغيابهـا مالـي رسايـه ولا اسـنـاد=راسـي غلاهـا بانيـه فيـه تأسيـس
تالـي لهبهـا مايـعـود لــي ارمــاد=قولوهـا للـي يعشـقـون الدنافـيـس
النفس شانت ماتبـي طعمـة الـزاد=فـي غيرهـا ماهمـنـي يالمهالـيـس
وختامهـا مقيـولـه والـيـوم تنـعـاد=ابليـس ياملعـون ملـعـون يابلـيـس


بقلمي / نواف الصقري

الحر القطامي
05-16-2012, 01:39 PM
. . .


12

( شد المطايه )




عثيـت فــي دنـيـاي دون العنـايـه=شيطان فكـري غرنـي بالصفاتـي
امجـمـل المشـبـوه عـنــد الـبـدايـه=ومـشـبـه المـجـمـول بالمعـقـلاتـي
مثـل السفيـه امشـي ولالـي ولايـه=امـشـي بسـريـه ولـحـدن يـحـاتـي
هــذا صديـقـن لــي وذولا عـدايـه=والكـل منـهـم مــادرى بمنتجـاتـي
من شافنـي منـى وهنـى اصدقايـه=بطيبـة الاخـلاق وحـلـو السمـاتـي
مايدري ان الجرح عانـق حشايـه=تمسي عيون الخلق ولالـي مباتـي
فــي ليلـتـن ونيتـهـا مـــن بـلايــه=ونيتـهـا وابديتـهـا فـــي صـلاتــي
حاسبـت وشهـو بقـى وش معـايـه=لقيـت شوكـي زارعـه مـع نبـاتـي
نسيـت احـسّـب ماطـلـع بالنهـايـه=اثــر الغنيـمـه عــودت للشـمـاتـي
ماكنت اصدق مامضى من سوايه=جاهل ولالي بالجهـل مـن نجاتـي
بعت الثمين ابسـوق عـم الرخايـه=وابديـت سومـي مابـديـت لغنـاتـي
دنيـا عظيـمـه افصـخـت بالعبـايـه=عادت رحاها وانطوت في حياتي
همي بيومـي لجـل اعيـش الهنايـه=مثـل البقـيـه عايـشـه فــي هنـاتـي
قالـو لـي يانـواف شفـت الرجايـه=تبقى علـى طـول الدهـر بالدناتـي
قلـت البـلا لاطـاح شــد المطـايـه=وشلـون نحمـل حملـنـا بالجفـاتـي
لـكـن طـفّـو مانّـوقـد فــي حشـايـه=لا لا تزيـدو شعلتـن فــي حيـاتـي
والله يسامحـنـي و يغـفـر خطـايـه=ذنبـي كبيـر و مكّـبـرك ياسـواتـي
ادعـو لي..ادعـو للخلايـق هـدايـه=وحسن الختـام إليـا لفانـا المماتـي
غير الدعاء لا لي منى ولارجايه=همي بقلبـي طبـه صـدق الدعاتـي



بقلمي / نواف الصقري

الحر القطامي
05-16-2012, 01:44 PM
. . .


13

( تبغى الجزاله مالها بالرومانسي )



ياللي تدب الشعر من غير تأسيـس=اعرف ترى للشعر سيسان ترسـي
اولهـا فالمعنـى ليـا جــاك بالقـيـس=خــل البقـيـه فــي معانيـهـا تـقـسـي
مثـل القريـح إليـا تقـادح بحاسيـس=تبطـي جفـون العيـن بالليـل تمسـي
احلى المعاني لاطـرت فالنواميـس=تبهـر شعـور اللـي قـراهـا بحـسـي
والثانـيـه قّــف البـيـوت ابتقـايـيـس=والمفرده إليـا عصـت قـول طسـي
لا تجبر العاصي وتتعب هواجيـس=مــن لا تبيـنـي لاتـطـرا بهـجـسـي
تل الشـوارد واتـرك الشيـن لبليـس=والمقـفـي لاقـفّـاك عـــدوه مـنـسـي
الله يامكـثـرهـا فـرايــد مـحـابـيـس=تبغـى الجزالـه مالهـا بالرومانسـي
والثالثـه الـلـي انتـثـر بالقراطـيـس=راجع وراجـع وزنهـا دون نكسـي
لا لا تخلي صنفها صنف من كيس=وبصم بها خمسـن ولحقهـا خمسـي
إن الـوزن والقـاف فيـهـا مقايـيـس=وجزل المعانـي فالشواميـخ ترسـي
كـب الضعافـه للقـلـوب المعابـيـس=اللي مـع ادروب المشاكيـل تخسـي
تتبـع خنـا الدنيـا وتعطـي مهاليـس=ماتعرف الا همسـة الحـب همسـي
الله يامكـذبـهـا قــلــوب الـدنـافـيـس=تفـرغ مشاعـر فارغـه دون حسـي



بقلمي / نواف الصقري

الحر القطامي
05-16-2012, 01:49 PM
. . .


14


( مالك ملزي ) :12780_01169323336:


ياعـزتـي لـلــي رمـيـتـه بـقــزي=ينطـر مجـازي يجتزيهـا بتميـيـز
كـز الغريـز اللـي بهـا قـام كـزي=كـزي وكـزه بالخوافـي مخاريـز
الـعـز عـــزي لاتـعــزز بـعــزي=صاين معزة عزتـي دون تعزيـز
نفسـي عزيـزه للجـزاوه تـجـزي=ماكـل مركـز يرتكـزهـا بتركـيـز
لاحزة ابحايـز علـى حيـز مـزي=جتك المخازي تستخزك بتخزيز
ابن خليـل ان لـز ..مالـك ملـزي=ملزاك في لـزك يامـال التلازيـز
انصـب حواجزكـم وزر التهـزي=لاتزهم ارفازك على غير ماجيز
كــز المـكـزه لاتـــزرا بـرمــزي=جزل الرموز المرمزه بالتراميـز

بقلمي / نواف الصقري

الحر القطامي
05-16-2012, 01:55 PM
. . .


15


( الــى مـتــى )




احــزان قـلـبـي كـنـهـا فـــي خـفــارا=حــزن يسـلـم يـاتــي اخـــر يـبـاشـر
حزن مع هموم(ن) في جوفـي تبـارا=وانــا المـعـذب فــي وطنـهـا اسـافــر
فـي طيفهـا والـصـدر مشـعـوم نــارا=نــارن حطبـهـا كـــل يـــوم يتـكـاثـر
احـاول اخفـي ماسـطـا مــن حــرارا=لـكــن وجـهــي مستـضـيـح المـئـاثـر
كــل مــن لفـانـي مـايـقـول الـبـشـارا=يسئل عسى خير(ن) كئيب الضواهر
ولا العيـون اللـي غـدت لـي حـمـارا=فــي كــل ليـلـن مــع دمعـهـا سـاهـر
الله واكـبــر كــيــف كــنــا جــســارا=عــلــى محـبـتـنـا لــجـــل مـاتـنـاثــر
ولـيـا حـصـل فيـنـا مـيـول وقـصـارا=انـعـدل الامـيــال وتـصـبـح جـوابــر
نسـامـح بعضـنـا مانجـيـب الـقــرارا=والـيـوم اشـوفـك ماحمـلـتـي مـعــاذر
إلــى مـتـى وليـلـك مـاشـاع ابنـهـارا=وإلـى متـى ودموعـك انتـي محـاجـر
وإلـى متـى تخفيـن ســر(ن) مــرارا=وإلـى متـى يطويـك خــوف وتكـابـر
وإلــى مـتـى وانــا عيـونـي سـهــارا=تـذرف دموعـن والخواطـر كـواسـر
حنـيـت الــك مانـيـب للـظـلـم جـــارا=مانيـب حـاكـم لـيـن اتبـيـن السـواتـر
ون كان قصـدك ناوي(ن)بـي حـدارا=تبطـي وتأكـد انـه انـت اللـي خـاسـر
ماترتـضـي نفـسـي مـهـون وعـيــارا=حـر(ن) قطامـي فالطويـلات شاطـر
لامـن نــوا الـعـذال شـفـت الشـطـارا=يـطـوي بـهـم فــي حلهم..مايحـاصـر
ولانـي مـن اللـي لـه يمـيـن ويـسـارا=مثـل الألـف صالـب ولالــي مـحـادر
خذهـا وانـا لاقلـت فـي شــي صــارا=خذهـا علـى فعلـن تـرا الـقـول بـاثـر
لاتـقــول لانـــار ابفـتـيـلـي شــــرارا=اسمحلي امهلني..( ترا القلب صابر)



بقلمي / نواف الصقري

الحر القطامي
05-16-2012, 02:19 PM
. . .



وهون محاورهـ بيني وبين العزيز آدخل على الله




http://www.a7babi.com/showthread.php?t=779

الحر القطامي
05-16-2012, 02:24 PM
. . .

وهنا محاورهـ بيني وبين العزيز بركان نجد


http://www.a7babi.com/showthread.php?t=92

ميرون سافوف
01-09-2024, 11:21 AM
يا أصدقاء المنتدى! البحث عن توصيات بشأن مواقع الكازينو العربية، وخاصة casino yyy (https://www.coptstoday.com/504067/%D9%83%D9%8A%D9%81%D9%8A%D8%A9-%D8%A7%D9%84%D8%B9%D8%AB%D9%88%D8%B1-%D8%B9%D9%84%D9%89-%D9%85%D8%A7%D9%83%D9%8A%D9%86%D8%A7%D8%AA-%D8%A7%D9%84%D8%B3%D9%84%D9%88%D8%AA%D8%B3-%D8%A7%D9%84%D8%AA%D9%8A-%D8%AA%D9%81%D9%88%D8%B2-%D8%A3%D9%81%D8%B6%D9%84-5-%D9%86%D8%B5%D8%A7%D8%A6%D8%AD-%D9%84%D8%A3%D9%84%D8%B9%D8%A7%D8%A8-%D8%A7%D9%84%D8%B3%D9%84%D9%88%D8%AA%D8%B3-casino-yyy). إذا كان لدى أي شخص معلومات أو تعليقات أو نصائح لمشاركتها حول هذه المنصة، فأنا كلي آذان صاغية. أفكارك ستكون مفيدة بشكل لا يصدق. شكرا لك مقدما!